ఒకరి మీద ఎందుకింత ద్వేషం?

ద్వేషం, పగ, ప్రతీకారం .... ఎందుకివన్ని??

ఒకరి మీద లేక ఒక వర్గం మీద ఎందుకింత ద్వేషం కలుగుతుంది?
అమానవీయం గా ఎందుకు దాడి చెయ్యలనిపిస్తుంది?
ఇష్టం వచ్చినట్టు విమర్శలు ఎందుకు చెయ్యాలనిపిస్తుంది??

ఎవడిమీదన్నా ద్వేషం కలిగిందనుకోండి,వాడి టెంక పగలగొట్టేబదులు వాడ్నోసారి క్షమించి చూడండి... అని అంటాననుకున్నరా?
అస్సలంటే అస్సలు అనను!
వుండాలి!
ద్వేషం వుండాలి!!

నిన్నెవడన్నా ఎదన్నా అంటే వాడి పుచ్చె రేగ్గొట్టేంత ద్వేషం వుండాల్సిందే!!! తప్పేం లేదు.
కాకపోతే ఆ ద్వేషాన్ని కాస్త కన్స్ట్రక్టివ్ గా, ప్రొడక్టివ్ గా మార్చుకోండి.

అర్థం కాలేదా?

నువ్వొక రైల్లోనో బస్సులోనో పోతున్నావు. కండక్టర్ వచ్చి నిన్ను ఫలానా వర్గం వాడివి కాబట్టి ఇక్కడ కూచోనివ్వను అని, ఠాట్ కాదు కూడదు అన్నందుకు నిన్ను అందులోనుంచి గెంటివెసాడనుకో, వేంఠనే ఓ దుడ్డుకర్రుచ్చుకుని వాడి గుండు పగలగొట్టావనుకో.. ఏమవుతుంది??

నీ మీద కేసవుతుంది!!

నీ ద్వేషం చల్లరినా విషయం మటుకు చిరిగి చాటంతై చాపంతవుతుంది.
అదే నువ్వు ఆ ద్వేషాన్ని నీ ఆయుధం లాగా మార్చుకుని సహనం తో అహింసాయుతంగా పోరాటం సాగించావనుకో.. నీ సమస్యకొక శాశ్వత పరిష్కారం దొరుకుతుంది, నీ ద్వేషానికి ఒక అర్థం పరమార్థం వుంటుంది. నీ జన్మ చరితార్థం అవుతుంది.

పోరాడితే పోయేదేమీ లేదు బానిస సంకెళ్ళు తప్ప అన్నారొక పెద్దమనిషి. నిజమే!
కానీ ఆ పోరాటాన్ని నువ్వెలా కోనసాగిస్తావో, ఏ పంథాలో సాగుతావొ అన్నదాన్నిబట్టే నీ బానిస సంకెళ్ళు పోతాయో లేక ఇంకా జటిలమై వుక్కు సంకెళ్ళుగా మారుతాయో అన్నది ఆధారపడివుంటుంది.

కాబట్టి మై డియర్ ఫైటర్స్, గొడవపడేది చాక్లెట్టు కోసమైనా చట్టం కోసమైనా, కాస్త ఇంగిత జ్ఞ్యానం, విచక్షణతో ప్రవర్తిస్తే ఆ గొడవకొక సార్థకత లభిస్తుంది కదా.
ఏమంటారు?

నేనొచ్చేసా....

తెలంగాణా సంగతి తేలిపోయింది, సమైక్యాంధ్ర సమ సమ్మగా ఉంది!
బ్లాగుల్లో లాగులేసుకునే వయసులొ అప్పుడెప్పుడో వచ్చి కొన్ని డవుట్లు తీర్చుకున్నా!
ఇప్పుడు ఇంకొన్ని ప్రశ్నలు మిగిలున్నాయి, చాలా జవాబులు ఇవ్వాల్సి ఉన్నాయి.
అందుకే,
నేనొచ్చేసా....

బ్లాగ్లోకపు సమస్యల పరిష్కారం కోసం శ్రీ యక్ష కమిటీ

తెలంగాణా ఉద్యమాన్ని అధ్యయనం చెయ్యడానికి శ్రీ క్రిష్ణ కమిటీ లాగా ఏకలింగం గారి సూచనమేరకు నాకు నేనే ఒక కమిటీ వేసుకుని పరిశీలించి పరిశోధించి ఎవరు కాగడానో ఎవరు కాగడా మొగుడో కనిపెట్టి విధివిధానాలను త్వరలోనే ప్రకటిస్తా అని హామీ ఇచ్చేస్తున్నా.

నేనే ఎందుకు అంటారా??

ఈ మధ్య నాక్కుడా కాస్త పాపులారిటీ పిచ్చ పట్టుకుంది. ఆల్రెడీ కెబ్లాసలో జనాలు ఓకెలికేసుకుంటున్నారు. సో అక్కడ వర్కవుట్ అవ్వదు, పోనీ స్త్రీ విమోచనం మీద కానీ రామయణమో భారతం మీదనో ఎదన్నా కథ కవిత రాద్దామనుకుంటే అందుకు అల్రెడీ వేరేవాళ్ళున్నారు, వాళ్ళెలాగూ పిచ్చ ఫేమస్. కాబట్టి మనకెందుకు ఆ దూల?

మనకా పాత పాటలు పద్యాలు తెలీదు, వంటలు అసలే రావు. పోని విప్లవాత్మక శృంగార భావాలున్నయ్యా అంటె అది కూడ కష్టమే. తెలంగాణా గురించి ఇప్పుడొక సాఫ్ట్ కార్నర్ ఏర్పడింది కాబట్టి (నా పాత పోస్టుల్లో ఒక మహానుభావుడెవరో "ఏం తెల్వకుండ నువ్వు మాట్లాడ్త లేవ్? గట్లనే వాడు గూడ! " అన్నప్పట్నుంచి తెగ రీసర్చ్ చేసి తెలుసుకున్నాక తెలంగాణ అడగడంలో తప్పేం లేదనిపించింది. కానీ నేనింకా సమైక్య వాదినే అలాగని తెలంగాణ ఉద్యమ వ్యతిరేకిని కాదనుకో, ఐనా ఇది ఇప్పుడు అప్రస్తుతం)ఇలా ఏ రకంగా చూసినా నేను ఇప్పట్లో ఫేమస్ అయ్యే సూచనలు కనపడ్డం లేదు అనుకుంటుండగా ఎడారిలో ఎండమావి లాగ ఈ గొడవొకటి కనిపించింది,

కాబట్టీ ఎవరు పిలిచినా పిలవక పోయినా నా అంతట నేనే దూరిపోతున్నానహో ....

అదుర్స్ సినిమాని అడ్డుకుందాం రా..

ఇప్పుడే అందిన సమాచారం ప్రకారం ఈ సినిమాలో ఒక వర్గం వారిని అవహేళన చేస్తూ పంచకట్టు పిలక జుట్టు అంటూ కామెడి చేసారు. వారి మనోభావాలు దెబ్బతిన్నాయి. ఈ వ్యాపారాగ్ర వర్గాల అభిజాత్యాన్ని ఖండిస్తున్నా, ఇంకెంతకాలమీ చిన్నచూపు, ఇంకెన్నేళ్ళీ ఎగతాళి.

అవతార్ డౌన్ డౌన్, జేంస్ కామెరూన్ గోబ్యాక్

అన్నలారా అక్కలారా కేవలం అమెరికా మరియు ఇతర పెట్టుబడిదారి వ్యవస్థలైన అగ్రదేశాల ధనంతో నిర్మించి డబ్బులుదండుకోడానికి మాత్రమే మన తెలుగులో డబ్బింగ్ చేసి (పైగా ఒక్కటంటే ఒక్క తెలంగాణా పదం కూడా వాడకుండా) మన పర్సులను కొల్లగొడుతున్న చిత్రం అవతార్ ని నిషేదిద్దాం. రేపే అందరు అవతార్ ప్రదర్శిస్తున్న సినిమా హాళ్ళ దగ్గర ధర్నా మొదలుపెట్టడానికి హాజరవ్వండి.

PS : ఆ తర్వాత మెల్లిగా హింది మరియు ఇతర భాషా చిత్రాల పనిపడదాం

తెలంగాణా ఉద్యమకారులకు, తెలంగాణా బ్లాగర్లకు ఒక మనవి

తెలంగాణా ఉద్యమం మొదలు పెట్టినప్పటినుంచి మీరు ఆంధ్ర అనే పేరుమీద చేసిన యుధ్ధం వికటించి తెలుగుతల్లి విగ్రహాలు పగలగొట్టేదాక వచ్చింది. సంతోషం! ఇకపై మీరు తెలుగులో రాయలన్నా తెలుగు లో మాట్లాడాలన్నా తెలుగు తల్లికి క్షమాపణలు చెప్పి ముక్కు నేలకు రాసి అప్పుడు మొదలెట్టండి. లేదా తెలంగాణా భాషకు కొత్త లిపి ని కనిపెట్టుకోండీ. ఇదెక్కడి పిడివాదం అంటారా మీరు నేర్పిన విద్యయే.. మరెందుకు తెలుగుతల్లి విగ్రహాలను నాశనం చేసారు ?? తెలుగును ఎందుకు కాలదన్నారు ?? చదువుకోడానికి రాసుకోడానికి మటుకు తెలుగు లిపి కావాలా?? కానీ తెలుగుతల్లి విగ్రహాలు పగలగొట్టాలా??? ఇదెక్కడి న్యాయం. అందుకే అందరు ముక్కులు నేలకు తాకించండి.

లేదంటే ఈ విషయం గా ఇంకొక ఉద్యమం మొదలుపెట్టడానికి తెలుగు భాషాభిమానులు సిధ్ధం గా ఉన్నారు

తెలంగాణ ప్రజలంటే ఎవ్వరు?

వారం రోజులుగా తెలంగాణా టాపిక్ ఎక్కడ చూసినా రగులుతోంది. మన బ్లాగర్లలో కూడా కొంతమంది ఇతోధికంగా తెలంగాణా వాదులకు నైతిక మద్దతు ఇస్తూ వ్యాసాలు రాసారు. అసలు ప్రత్యేక తెలంగాణా ఎందుకు (అమ్మతోడు నిజ్జంగానే తెలియక అడుగుతున్నా వ్యంగ్యంగా కాదు బాంచన్) అని అడగాలనుకున్న నాలాంటి అల్పజీవులను చైతన్యం చేస్తూ(??)కొన్ని కొన్ని తెలంగాణ చరిత్ర తెలిపే లింక్స్ ఇచ్చారు. నాకైతే ఏం సమఝ్ కాలేదనుకో భాయ్, అది వేరే సంగతి. కానీ నాకొచ్చిన సందేహాలను మటుకు నా స్నేహబృందంలో ఎవరు తీర్చలేకపోయారు. అందుకే ఇక్కడే అడుగుతున్నా. 1960 కి ఇప్పటికి తెలంగాణ ప్రజల్లో చాలా మార్పులొచ్చాయి కదా. ఉదాహరణకు నాలాంటి వాళ్ళు, మా తాతనో మా నాన్ననో హైద్రాబాదుకు నేను పుట్టకముందే వచ్చుంటారు, నాకైతే అవన్ని తెల్వది. పరేషాన్ ఏందంటే నేను పుట్టింది పెరిగింది చదివింది తిన్నది తాగింది తిరిగింది అంతా హైద్రాబాదులోనే. నేనేమో తెలంగాణావోడ్ని కాదంటున్రు. నాకైతే గా మిగతా ఏరియాలు ఎర్కలేద్. నా అసుంటొళ్ళు బొచ్చెడు మందున్నరు. అందరిదీ ఇదే ప్రశ్న. అసలు తెలంగాణా ప్రజలంటే ఎవ్వరు? మీరుచెప్పబోయె సమాధానం చరిత్రల్లోనుంచైతే మళ్ళొక ప్రశ్న. మన సంస్కృతిలో భాగమై మనతో పాటి నలుగుతున్న స్నేహితుల్లా మెలుగుతున్న ముస్లిం సోదరులెవ్వరు? జరంత చెప్పుండ్రి ప్లీజ్. నిజ్జంగానే తెల్వక అడుగుతున్నా..